Daivathinte Sandarshanam

കുറഞ്ഞ വാക്കുകളില്‍ ആവര്‍ത്തന വിരസതയില്ലാതെയും രസച്ചരട് പൊട്ടിപ്പോകാതെയും വായിച്ചു പോകാവുന്ന കഥകള്‍. ബാലമനസ്സുകളുടെ ആഴവും വ്യാപ്തിയും അറിഞ്ഞു കൊണ്ടുള്ള രചനാശൈലി. വേറിട്ട ഒരു വായനാനുഭവമാക്കി മാറ്റുന്ന ഈ കഥകള്‍ ഒരുപാട് ജീവിതമൂല്യങ്ങള്‍ കോര്‍ത്തിണക്കി പഠിക്കാനും പകര്‍ത്താനും, ജീവിതയാത്രയിലെ മുന്നേറ്റങ്ങള്‍ക്ക് പുതിയ ദിശാബോധത്തിന്റെ കൈത്തിരിനാളം പകര്‍ന്നുനല്‍കാനും സഹായകമാകുന്നു. വായന മറന്നുകൊണ്ടിരിക്കുന്ന മലയാളിക്കുള്ള ഉണര്‍ത്തു പാട്ടുകളായി മാറുന്ന ഈ മധുരമിഠായിക്കഥകളില്‍ നിരവധി രാജ്യങ്ങള്‍ പശ്ചാത്തലമാകുന്നു. വായിച്ചുകഴിഞ്ഞാല്‍ കുറേയേറെ നന്മകളും ഗുണ പാഠങ്ങളും സ്വായത്തമാകുന്നുവെന്നതും ഈ കഥകളുടെ സവിശേഷതയത്രെ.