Jihad

ഇസ്ലാമിലെ ജിഹാദ് ഇന്ത്യാ ഉപഭൂഖണ്ഡത്തില്‍ വലിയ ചര്‍ച്ചക്കും വാദകോലാഹലങ്ങള്‍ക്കും വിധേയമായ ഒരു പ്രത്യേകസാഹചര്യത്തില്‍ സയ്യിദ് അബുല്‍അഅ്ലാ മൌദൂദി രചിച്ച 'അല്‍ജിഹാദു ഫില്‍ ഇസ്ലാം' എന്ന വിഖ്യാത കൃതിയുടെ പരിഭാഷയാണിത്. ഇസ്ലാമിലെ ജിഹാദ് സങ്കല്‍പം, അതിന്റെ രൂപങ്ങള്‍, യുദ്ധ-അനുരഞ്ജന നിയമങ്ങള്‍ തുടങ്ങിയവ ആഴത്തില്‍ പഠനവിധേയമാക്കുന്ന ഈ ഗ്രന്ഥം ഇതര മതങ്ങളിലെയും നാഗരികതകളിലെയും യുദ്ധ സങ്കല്‍പങ്ങളെയും യുദ്ധനിയമങ്ങളെയും സംബന്ധിച്ച താരതമ്യ പഠനവും ഉള്‍ക്കൊള്ളുന്നു. സയ്യിദ് സുലൈമാന്‍ നദ്വി, മഹാകവി അല്ലാമാ ഇഖ്ബാല്‍ തുടങ്ങിയ പ്രഗല്‍ഭരുടെ പ്രശംസ പിടിച്ചുപറ്റിയ ഈ കൃതി ജിഹാദിനെക്കുറിച്ച ഏറ്റവും സമഗ്രവും ആധികാരികവുമായ പഠനമാണ്. യുദ്ധക്കൊതിയും രക്തച്ചൊരിച്ചിലും ഇസ്ലാമിന്റെ അടിസ്ഥാന പ്രകൃതമാണെന്ന ആരോപണത്തിനുള്ള പ്രാമാണികമായ മറുപടി കൂടിയാണ് ഈ കൃതി.